港滙軒

營業中

休息中

今晚同家人食飯，當然要揀間環境唔錯又坐得舒服的餐廳，選擇中菜就最合適，呢間港滙軒交通方便，一出地鐵站就到！我地坐在落地玻璃窗旁邊，能夠飽覽維港海景。一坐底職員已經擺低前菜醬汁醃蘿蔔，蘿蔔爽口，醋汁令我們更開胃。簡單叫了幾個健康小菜，首先上菜的是三蝦乾撈粉絲煲，材料豐富有大大隻的蝦乾，椰菜和粉絲。廚師炒得好有鑊氣，粉絲唔會癲埋一舊每條分明，煲已預先預熱，溫度保持熱辣辣。豉汁帶子蒸豆腐，每磚豆腐面也鋪了帶子，豆腐滑溜，配上帶子味道不錯。清炒豆苗，份量多，清湯煮豆苗，簡單好味。