雍雅山房

營業中

休息中

放假一於嚟山頂吸收下天地靈氣不過要醫好我嘅精神之前當然要填飽個肚先呢間餐廳bookmarked咗好耐因為屋企人唔太鍾意西餐嚟呢度食樣樣都有啲就啱晒個景觀又一流 啱啱望住凌霄閣望出去又係中環果邊嘅摩天大廈滿足晒我個肚同對眼❣️沙葛毛豆蟹肉多士蟹肉超多的🦀️多士脆卜卜仲要勁香蒜蓉味當然我呢啲充滿少女心嘅中女就最鍾意上面有五顏六色嘅食肉花❣️懷舊鐵板豬面青肉煎釀山水豆腐用鐵板上可唔可以保持溫度豆腐煎到微脆皮，內層就滑嘟嘟好好味❣️雍雅山房特色炸乳鴿估唔到咁入味～加埋啲淮鹽再好味啲屋企人食得出隻乳鴿好新鮮絕對唔係雪咗好耐嘅凍肉貨炸到層皮好脆口❣️烤美國頂級牛扒配風乾蕃茄醬牛排好重牛味配菜有杏鮑菇薯蓉蘆筍啲配菜吸嫩晒牛嘅精華有啲妹仔大過主人婆嘅感覺😂❣️櫻花蝦蔥油拌麵櫻花蝦份量超多 蔥油味夠香陽春面嘅硬度剛剛好想一啖啖追住嚟食❣️意式提拉米蘇蛋糕好濃郁嘅酒香味旁邊粒士多啤梨好新鮮好甜重點係呢度嘅紅豆冰充滿住我嘅童年回憶呀係細過食啫喱時一定見到嘅傘仔呀菠蘿冰仲有隻flamingo ❤️