影片
更多
2020-12-01
1190 瀏覽
今朝飲完佢地既早茶諗著都還可以，就趁住限聚令前同2老去試埋個晚市，一入到去已經見到得幾台客，心諗唔通野食唔掂，不過橫掂都黎左就試下喇，首先叫左個燒鵝＋豆苗孖寶，黎左燒鵝半個鐘都未黎個豆苗，催下幫我地落單個位經理，佢重好似發緊夢咁望著張單唔知咩事咁，極度懷疑佢冇落到單，最搞笑係個菜單上面寫著半隻乳豬幾多錢，落單個時同我講無得叫半隻，佢同我講賣晒我都冇咁嬲，佢竟然話你叫左半隻邊個黎食埋個半隻！？之後多口又問下另一位同事係唔係半隻唔賣嫁，佢話係呀唔賣嫁，你真係好想食就要搵經理落單先得，我話岩岩個個未經理囉，佢又答我我地依度個個都係經理，你要搵最大個本店經理，個下真係O晒嘴，最後埋單個時收銀檯大大個支付寶Hk貼紙痴係度，佢答我冇支付寶付款方法，其實我係唔係可以搵海關告佢商品說明條例呢
張貼