大灰熊廚房 (裝修中)

今日同呀媽拎完報告兩個人出去食個簡單晚飯撐枱腳慶祝下，揀咗呢間中式餐廳，點咗幾樣小菜都幾好味。揀左椒鹽粟米，西湖牛肉羹，豉椒炒蜆同椒鹽豬扒椒鹽粟米都幾特別之前未食過，夠香口又有啲香甜唔會太鹹西湖牛肉羹，清得嚟又夠香，有啲豆腐粒同芫茜，唔錯跟住叫咗兩款好送飯菜式，椒鹽豬扒係因為食咗椒鹽粟米之後覺得個味道都幾好所以就加多個椒鹽菜式。豬扒大大件，夠曬份量，香口又唔會太乾身呢個豉椒炒蜆係我哋屋企嘅兒時回憶，呢到煮得好食，有鑊氣，醬汁唔會太多太鹹調味啱啱好，非常開胃。呢度環境闊落啱曬佢老人家，餐廳夠大一家人多人嚟食都好鬆動！