明乾小館 (裝修中)

呢排好鍾意食點心！原來尖沙咀H8都有一間環境靚、坐得舒服嘅新派點心店－明乾小館！點心全部即叫即蒸，茶嘅選擇都好多，有菊花普洱、陳皮洛神花茶、高山雲霧綠茶、黑枸杞玫瑰花茶、錫蘭紅茶等等，款式比較特別！手剁鮮牛肉腸($48)腸粉好有驚喜，腸粉皮做得透薄，塞滿手剁鮮牛肉，肉味濃郁。彩虹蝦餃($68)蝦餃皮呈彩色，賣相吸引精緻，煙靭嘅蝦餃皮包住彈牙爽口嘅蝦肉，水準唔錯！黑蒜燒賣($68)黑色燒賣，造型型格！內餡係實在足料嘅豬肉蝦肉餡，面頭再放上柔軟鮮甜嘅帶子，層次豐富！黑金流沙包($22)包用上竹炭粉製成，新鮮出爐，口感鬆軟。流沙餡流心度高，有微微起沙，唔錯。蝦多士($38)蝦多士新鮮即炸，所以炸得夠脆又唔油益，面頭放上彈牙嘅大蝦，蘸上秘製醬汁，好有風味！黑毛豬扒擔擔麵($88)估唔到呢度嘅擔擔麵味道都幾對板，湯底充滿花生香，而且仲好有誠意地加入蝦米去熬湯，所以湯底非常鮮甜，濃稠度都恰到好處，好掛麵！豬扒軟腍鬆化，不過外皮可以炸得香口一點！金沙芝麻卷($38)甜品竟然有少見嘅菲林卷，當然要試下！芝麻卷煙煙韌韌，每啖都充滿香濃嘅黑芝麻味，甜度剛好！