小時光 (已結業)

好懷念台灣嘅美食，今日終於約咗屁屁去咗觀塘工業大廈嘅一間台灣小店食嘢，之前睇OpenRice已經知道呢間餐廳裝修非常特別，所以今日專登去試！鋪頭嘅裝修係以學校情景為題，有學生櫈同埋學生枱，而且仲有書架添，全部都好有台灣中學嘅感覺，而且侍應生仲着埋高中生校服，更加似層層！呢度嘅環境真係非常一流，好適合一班朋友嚟打卡！我哋叫咗肉操飯套餐同埋香芋Lattee，肉操飯味道真係唔錯，啲汁夠晒送飯嘅，而且肉操肥瘦適中，有濃郁嘅醬油味，非常啱送飯！套餐配埋滷水拼盤：乾豆腐、雞翼、海帶等等，非常豐富！香芋Lattee 幾好飲，面頭仲有好濃厚嘅奶泡，而且仲好香芋頭味，又唔會太甜，另外佢仲配埋cereal ，好食喎！