勝八居酒屋 (已結業)

朋友介紹，第一次黎呢間勝八居酒屋食晚餐。我覺得環境同食物都相當不俗。環境唔錯，有大電視。同朋友傾偈一流。侍應服務態度都好好。讚前菜叫左個漬物盛。入面有三文魚頭， 蒜， 淮山， 蘿蔔。酸酸甜甜相當開胃。其中三文魚頭同淮山都超水準。刺身叫左赤羽太，黑鯛，生帆立貝。非常新鲜。黑鯛加入調味，帶少辣和少酸，好味生帆立貝就好大粒，爽口，好鮮甜。好耐無飲過波子汽水，懷緬下黑松露蒸蛋。滿滿既黑松露，加上香滑蒸蛋。味道非常夾，蛋蒸得剛好。蛋入面仲有蝦同雞肉。燒蠔。侍應介紹呢個係岩手縣既蠔，輕輕燒過。食落海水味較重，好彈牙。松葉蟹腳天婦羅。天婦羅炸得又脆又香。松葉蟹腳又甜又多肉。總括黎講，食物全部都好高質素。下次會再黎。