暹 (裝修中)

本身約咗朋友去飲野，不過諗住事前先填個肚！隨機見到呢間泰國野 - Siam 暹 喺諾士佛台1號上面🤣方便又幾驚喜！先講環境，好有feel, 泰式擺設，而且好大好寛敝。傾計聚會一流，唔會好嘈。*豬肉碎生菜包* 豬肉碎好入味，味道辣，唔會太咸，生菜好脆好新鮮，辣味夾住淡淡生菜食，好開胃好有層次感。*泰式黃叻哩雞*本身以為會好辣，但原來唔係，味道好濃郁，而且咖喱味好香，一上枱就聞到。雞唔會太大塊，好啱女仔食，一兩啖好方便，而且雞肉好入味，唔會好淡得外皮有味，用黎撈飯食一流。*泰式菠蘿炒飯*好足料，好多海鮮喺入面，飯好濃味，而且粒粒分明，完全唔會黏住黏住。最重要係有好多我愛食既菠蘿粒😍*珍多冰 & 泰式龍眼冰*我比較鍾意泰式龍眼冰多啲，感覺好清涼，清清淡淡好止渴。珍多冰就比我想像中淡左少少，啱晒鍾意飲少甜嘅朋友仔。*甜品*紫薯糕同南瓜糕都好好味！而且食到有三層✌🏻紫薯味同南瓜味都好入味。唔會太淡👏🏻 讚！