Mansons Lot (汕頭街)

營業中

休息中

灣仔汕頭街比人一種好chill同隱世感覺，容納咗好多唔同特色嘅小店/餐廳，別樹一格。Mansons Lot係當中嘅表表者，每次行過，都同自己講一定要搵日試吓。近排終於有機會試吓，當日試咗7oz Beef Burger with Potato fries($98)，加$36轉餐，有soup/salad + drink。轉餐幾抵，因為menu上一杯咖啡都最少要$40。牛肉好厚好足料，但唔會好實，肉汁keep到。個包鬆軟適宜，仲有煙肉芝士同新鮮嘅番茄生菜，overall好滿足。你唔會覺得佢係一個好出色嘅burger，但合格有餘，每part恰如其分。粗薯條🍟好脆，會令你食上癮，一條接一條，咩減肥大計都會忘記。Drink叫咗Latte，唔係特別鍾意咖啡，唔係好識點係好，淨係覺得佢易入口好順滑。朋友嘅烤雞沙律($83)無試，沙律睇落好fresh，但朋友覺得份量唔算好夠。店內環境好有心思，令人有一種放鬆嘅感覺☺️。食物唔錯，雖然唔算十分出色，但環境同氣氛搭夠，而且價錢灣仔區嚟講算ok。推薦比附近返工嘅人。