Pinot Duck (已結業)

餐廳環境高級，好chill。主打食鴨肉，飲酒，當然價錢偏貴。今次無叫鴨，試下其他。燒和牛舌一碟有4大塊，牛舌厚身，口感軟身，表面有椒鹽，十分野味。牛舌味道夠濃郁，同椒鹽味很夾。配合埋底部既羽衣甘藍食，可以減少油膩，增加口感。慢煮雞排炸醬麵雞排肉質幼嫩，慢煮又能夠保留肉汁，口感一流。雞皮表面被煎過，加埋配料，食落香口。炸醬汁係黑色，味道較淡，食唔出係咩🤔。麵底係直條麵，食落有質感。甜棗栗子意大利飯以素食材料去烹調，相對較清新，完全唔溜。飯軟硬度週中，正宗意大利飯texture。南瓜、甜棗同其他蔬菜切粒，味道清甜。不過食唔到栗子香。臘肉櫻花蝦薑汁炒芥蘭苗芥蘭好爽口，不會油膩，有櫻花蝦臘肉伴炒，清新香口。但就食唔出薑汁味。