影片
更多
2021-05-16
52 瀏覽
估唔到呢間冰室有咁多美食選擇，一間餐廳可以食到晒中西日韓台區歐式食品。鋪面細細，但係原來入咗去之後有好大間餐廳，座位都好多好寬闊。一坐低，姐姐就送上一碗熱湯。青紅蘿蔔雞腳紅豆冰好少係新式嘅餐廳好飲到，多數都係舊式或者連鎖嘅快餐店。紅豆好淋，飲得出真係椰漿溝嘅紅豆冰。黃金鹹蛋雞翼超級熱，應該係即叫即整，上枱嘅時候仲出緊煙。唔似出邊平時食到嗰種鹹蛋黃雞翼，呢個真係起晒沙個種咸蛋黃，食落又唔會太鹹好香口。西班牙火腿凱撒沙律呢個性價比簡直係一絕，都有幾塊西班牙火腿，凱撒沙律汁亦都真係嗰種芝士汁黎。配上好新鮮嘅生菜！整體上枱嘅時候觀感都好好，沙律專用嘅大碗上枱，份量都唔少。夏天食簡直係一流。妙齡香脆乳鴿係咪傻㗎，茶餐廳竟然隨便都可以食到乳鴿。仲要係滷水汁然後再炸過嘅乳鴿，上枱好香口好夠熱，味道10分美味。平時好少去出邊食好貴嘅乳鴿，都係酒樓有優惠先會食到。有邊個估到原來冰室即係茶餐廳都有得食！台式醬油芝士肉鬆煎蛋餅食落去係咪好台式口味呢？我又唔係好識得食。只要係有芝士有甜醬油有肉鬆，又有雞蛋嘅蛋餅就係好食嘅蛋餅。即叫即整，雖然睇落好細份，但係份量好夠，每一啖都有滿滿嘅餡料！功夫無骨海南雞飯好大碗
鋪面細細，但係原來入咗去之後有好大間餐廳，座位都好多好寬闊。
一坐低，姐姐就送上一碗熱湯。青紅蘿蔔雞腳
紅豆冰
好少係新式嘅餐廳好飲到，多數都係舊式或者連鎖嘅快餐店。紅豆好淋，飲得出真係椰漿溝嘅紅豆冰。
黃金鹹蛋雞翼
超級熱，應該係即叫即整，上枱嘅時候仲出緊煙。唔似出邊平時食到嗰種鹹蛋黃雞翼，呢個真係起晒沙個種咸蛋黃，食落又唔會太鹹好香口。
西班牙火腿凱撒沙律
呢個性價比簡直係一絕，都有幾塊西班牙火腿，凱撒沙律汁亦都真係嗰種芝士汁黎。配上好新鮮嘅生菜！整體上枱嘅時候觀感都好好，沙律專用嘅大碗上枱，份量都唔少。夏天食簡直係一流。
妙齡香脆乳鴿
係咪傻㗎，茶餐廳竟然隨便都可以食到乳鴿。仲要係滷水汁然後再炸過嘅乳鴿，上枱好香口好夠熱，味道10分美味。平時好少去出邊食好貴嘅乳鴿，都係酒樓有優惠先會食到。有邊個估到原來冰室即係茶餐廳都有得食！
台式醬油芝士肉鬆煎蛋餅
食落去係咪好台式口味呢？我又唔係好識得食。只要係有芝士有甜醬油有肉鬆，又有雞蛋嘅蛋餅就係好食嘅蛋餅。即叫即整，雖然睇落好細份，但係份量好夠，每一啖都有滿滿嘅餡料！
功夫無骨海南雞飯好大碗雞油飯，識落唔會好肥膩，好似係雞湯煮出嚟嘅飯咁。無骨雞好滑雞肉好有彈性，有好幾舊。
肉醬流心芝士雙層巴士烤餅
係印度酥餅，入邊嘅豬肉醬同芝士，超級邪惡但係好好食。佢整嘅時候都要一啲時間因為即叫即整
呢度第一次黎食，發靚d員工服務好好，都會專登行去你隔離，放喺你前面，唔係一般普通嘅茶餐廳，就咁pat低喺你張枱就算
一間茶餐廳竟然有晒亞洲，東南亞 歐洲等各國嘅美食，仲要有好多款飲品同糖水！真係唔簡單。
張貼
