瓏門冰室 (已結業)

由於選擇繁多，樣樣都好似幾好味，所以就望住個餐牌好耐。最後就選擇咗豉油雞髀同卡邦尼意粉，配上一杯少冰少甜嘅凍奶茶。42蚊既下午茶餐+3蚊凍飲可能係隻碟太大？! 望落食物好少，以為會食唔飽。點餐嘅時候仲擔心個雞髀用刀叉進食會食得好唔方便，但上碟隻雞髀望落好殘好老，手起刀落既時候，好容易骨肉分離。食起上黎有啲 驚喜， 個汁好好味，而且啲肉又唔會鹹又唔會嚡口。值得一讚係個意粉其實好好食，夠晒creamy又有芝士味，焗到熱辣辣， 所以最後都食到好飽。由於個意粉係需要即刻焗嘅，建議肚餓/趕時間人士就唔好叫焗嘢啦。