影片
更多
2022-10-08
550 瀏覽
探完朋友原來已經下午茶時間，行返港鐵站時見到呢間糖妹佢地好似喺度拍過節目，橫豎我又鍾意食醉雞，咁就不如喺度食吓嘢。叫左碗🐓招牌藥膳醉雞米線($55)加多杯🍋凍檸水(+$10)。米線上枱，好開心見到有好多木耳，大大塊，入口幾爽脆，點埋辣椒豉油食，微微香辣好好食。不過對於鍾意食辣嘅人嚟講一定會覺得呢碟辣椒豉油無料到😅，因為以我唔食得辣嘅人嚟講，都覺得佢唔辣，但係餐廳有火鍋食，我估應該可以問侍應加辣椒。主角藥膳醉雞米線，湯底藥味同酒味聞落幾香，但入口又唔會太濃，啱晒我怕太重藥味嘅人。除左藥味唔會太濃，仲有小小甘甜嘅味道，其實都幾好飲。雞件有5大件，入口感覺有酒香。雞肉都滑嘅，最正係皮下脂肪唔多，可以連雞皮一齊食，咁就更滑、更好味。整體感覺呢碗米線幾啱我口味，尤其係味帶甘甜嘅湯底特別加分。其次，可能因為係下午茶時間，食客唔多，坐得好舒服，又見到店面姐姐待客十分親切，會主動教客人用QR Code點單，又會關心小朋友食唔到藥味嘅湯麵，抵讚。👍
叫左碗🐓招牌藥膳醉雞米線($55)加多杯🍋凍檸水(+$10)。
米線上枱，好開心見到有好多木耳，大大塊，入口幾爽脆，點埋辣椒豉油食，微微香辣好好食。不過對於鍾意食辣嘅人嚟講一定會覺得呢碟辣椒豉油無料到😅，因為以我唔食得辣嘅人嚟講，都覺得佢唔辣，但係餐廳有火鍋食，我估應該可以問侍應加辣椒。
主角藥膳醉雞米線，湯底藥味同酒味聞落幾香，但入口又唔會太濃，啱晒我怕太重藥味嘅人。除左藥味唔會太濃，仲有小小甘甜嘅味道，其實都幾好飲。
雞件有5大件，入口感覺有酒香。雞肉都滑嘅，最正係皮下脂肪唔多，可以連雞皮一齊食，咁就更滑、更好味。
整體感覺呢碗米線幾啱我口味，尤其係味帶甘甜嘅湯底特別加分。其次，可能因為係下午茶時間，食客唔多，坐得好舒服，又見到店面姐姐待客十分親切，會主動教客人用QR Code點單，又會關心小朋友食唔到藥味嘅湯麵，抵讚。👍
張貼
