影片
更多
2018-03-21
117 瀏覽
我好鍾意食海南雞飯㗎， 又鍾意打邊爐嗰陣時食靚牛肉， 而家唔使海南雞同肥牛肉二選一啦！可次過食到(≧∇≦) 因為四季文昌用上等嘅海南雞來做湯底， 原來海南雞做出嚟嘅湯底再用嚟灼牛肉係特別好味㗎！ 海南文昌雞是廣東八大優良雞種之一， 這裏有一個特別的食法！ 先將鍋內的椰子水以大火煮沸， 之後加入海南文昌雞， 以慢火煮七分鐘即可享用！ 而且唔使驚唔記得時間， 因為會有一個好得意嘅沙漏幫你計時， 個沙漏漏完就係嘆雞嘅時間喇！ 一打開個鍋真係有股香氣噴出來。 因為這樣煮出來的湯底鮮甜無比， 椰子同雞可以講得上係perfect match， 椰子肉清甜雞味提鮮， 個湯真係清甜過飲糖水㗎！ 飲落簡直覺得好似係老火湯一樣， 完全估唔到係煲咗只不過係十五分鐘時間度！ 而且個雞肉好爽脆，even連塊雞皮都爽彈啲架！我覺得就咁食或者點少少豉油嗰味已經好正！ 其實仲可以加啲青檸汁同沙薑落去， 聽過個鮮味更會提升到極點！ 食完個咁正嘅文昌雞之後，就可以加湯打邊爐喇！打邊爐當然唔少得靚牛肉啦！ 想一次過嘆齊咁多種好味的部位，學我咁叫番個極上和牛拼盤啦！ 極上和牛拼盤啱曬我呢啲花心淺嘗的人喇！樣樣都有啲，仲要價
海南文昌雞是廣東八大優良雞種之一， 這裏有一個特別的食法！ 先將鍋內的椰子水以大火煮沸， 之後加入海南文昌雞， 以慢火煮七分鐘即可享用！ 而且唔使驚唔記得時間， 因為會有一個好得意嘅沙漏幫你計時， 個沙漏漏完就係嘆雞嘅時間喇！
一打開個鍋真係有股香氣噴出來。 因為這樣煮出來的湯底鮮甜無比， 椰子同雞可以講得上係perfect match， 椰子肉清甜雞味提鮮， 個湯真係清甜過飲糖水㗎！ 飲落簡直覺得好似係老火湯一樣， 完全估唔到係煲咗只不過係十五分鐘時間度！
而且個雞肉好爽脆，even連塊雞皮都爽彈啲架！
我覺得就咁食或者點少少豉油嗰味已經好正！ 其實仲可以加啲青檸汁同沙薑落去， 聽過個鮮味更會提升到極點！
食完個咁正嘅文昌雞之後，就可以加湯打邊爐喇！
打邊爐當然唔少得靚牛肉啦！ 想一次過嘆齊咁多種好味的部位，學我咁叫番個極上和牛拼盤啦！
極上和牛拼盤啱曬我呢啲花心淺嘗的人喇！樣樣都有啲，仲要價錢唔算貴，每種都有6件，而且來自不同國家的靚牛代表都集齊曬！連出曬名高級的佐賀a5都有架！無得頂啦！
極尚和牛拼盤包括：
佐賀a5和牛牛肩
澳洲m9和牛牛肩
安格斯牛頸脊
加拿大牛舌粒
安格斯牛粒
食嘅時候就最好由瘦食到肥，咁就每一種都會食到好享受，愈食愈享受架喇！如果唔係，由油花重食先，就會一下升到上天堂，之後就會覺得其他都會無咁好食架喇！
雖然話安格斯牛頸脊係三款牛肉之中價格最相宜的， 不過本身勁鍾意食牛肉味嘅我覺得呢一隻牛反而係最好食喎！ 牛肉味滿滿而且兼顧到肉質 亦都夠嫩滑， 而且當中的雪花會在灼水期間已然融合在肉體中，淡淡的牛油香和肉香真係吃得我好滋味！
之後我就食咗厚切牛舌同埋牛柳粒， 個牛舌係超級正嘅牛舌心， 夠曬彈性得來唔會有渣。 如果個安格斯牛柳粒都好鬼正， 肉質非常爽實但係唔會韌。
澳洲m9和牛牛肩比日本的和牛油花明顯較少， 但係看起來牛肉質地相當嫩， 點知食落反而有啲韌， 應該是我不小心灼過熟了！浪費了m9...哭哭...
所以能到重頭戲佐賀a5和牛出場時我十分小心地煮， 心裏面數著十秒， 然後就即刻夾起嚟食， 反正靚牛生食都唔驚嘅， 係太熟唔得㗎啫！
果然佐賀無令我失望 ！(≧∇≦)嘩！ 軟綿綿的質感！ 香噴噴嘅油花味！ 一啖又一啖好似拍浪般衝擊著我的味蕾，正到暈低呀！
通常食完最好味嘅牛肉之後就開始識丸丸，呢度啲丸丸好有特色，除了自家製之外，還非常新潮地加入了不同的元素！令人覺得好有新鮮感呀！
七彩芝士流心丸口味包括有士多啤梨味， 芒果味，原味， 黑松露味， 紫薯味， 班蘭味， 墨汁味， 驟眼睇係咪好似七色彩虹呢？！
我自己就食咗士多啤梨味同黑松露味， 松露味非常之咁香，而且個芝士醬仲會嗶出嚟， 都幾香幾好食喎！
黑松露鮮蝦福袋 食落同一般糯米糍福袋質感好唔同， 但係內裡包住爽滑的蝦滑又幾好食喎衰鬼！
張貼
