影片
更多
2017-05-07
199 瀏覽
上星期去左沙田間甜入心食，甜品當然係好食啦，仲有個令人驚喜嘅係個All day breakfast。今日同朋友去開淘大，由於時侯唔早，所以諗住輕食，見到甜入心，諗都唔駛諗就入左去。呢間甜入心冇沙田嗰間咁大，裝潢比較簡樸但依然有童話感覺。而且都有佢嘅特色 - 就係其中一張枱一邊嘅座椅係張韆鞦嚟架! 不過當時已經有人坐咗……Never mind，最緊要食~除此之外，都依然有每間分店都有嘅自助朱古力噴泉同英式果茶。入到黎先知呢度冇All day breakfast，好失望 唯有每人先嚟個輕食lunch set。黑松露吐司 - 成個吐司鋪滿黑松露，再用芝士焗，吐司好厚好鬆軟，加上軟綿綿嘅芝士、大量菇菌、青紅椒同埋好「生猛」嘅木魚。口感味道都不錯。芝士窩夫 - 原先以為鹹但原來係以甜味為主，類似芝士蛋糕嘅芝士味道，啲芝士汁係凍嘅，唔係我預期嘅熱芝士汁添。芒果紅茶/荔枝白露 - 配餐嘅飲品，甜味適中，底下有蒟蒻，有得飲又有得o趙。西瓜中豆花配焦糖布甸味雪糕 - 雪糕底下係豆腐花加紅色果凍，豆腐花味道似荳奶甜甜地，仲可以刮埋啲西瓜肉嚟食。一個甜品包咗幾樣聽落風馬牛不相及嘅食物，食落又透心涼，全身都涼
呢間甜入心冇沙田嗰間咁大，裝潢比較簡樸但依然有童話感覺。
而且都有佢嘅特色 - 就係其中一張枱一邊嘅座椅係張韆鞦嚟架! 不過當時已經有人坐咗……Never mind，最緊要食~
除此之外，都依然有每間分店都有嘅自助朱古力噴泉同英式果茶。
入到黎先知呢度冇All day breakfast，好失望 唯有每人先嚟個輕食lunch set。黑松露吐司 - 成個吐司鋪滿黑松露，再用芝士焗，吐司好厚好鬆軟，加上軟綿綿嘅芝士、大量菇菌、青紅椒同埋好「生猛」嘅木魚。口感味道都不錯。
黑松露吐司
21 瀏覽
0 讚好
0 留言
芝士窩夫 - 原先以為鹹但原來係以甜味為主，類似芝士蛋糕嘅芝士味道，啲芝士汁係凍嘅，唔係我預期嘅熱芝士汁添。
芝士窩夫
11 瀏覽
0 讚好
0 留言
芒果紅茶/荔枝白露 - 配餐嘅飲品，甜味適中，底下有蒟蒻，有得飲又有得o趙。
芒果紅茶/荔枝白露
12 瀏覽
0 讚好
0 留言
西瓜中豆花配焦糖布甸味雪糕 - 雪糕底下係豆腐花加紅色果凍，豆腐花味道似荳奶甜甜地，仲可以刮埋啲西瓜肉嚟食。一個甜品包咗幾樣聽落風馬牛不相及嘅食物，食落又透心涼，全身都涼爽晒，抵食。
西瓜中豆花配焦糖布甸味雪糕
19 瀏覽
0 讚好
0 留言
候爵特濃72心太軟配黑松露味雪糕 - 第一次食黑松露雪糕，一食落去好有黑松露味就梗架啦，嗒落唔知點解漸漸覺得有種牛油味，好似食緊一舊好香嘅牛油咁，好得意。心太軟有分新版舊版，不嬲都係食新版，以為係創新版本，新版就成個心太軟蛋糕擺入個杯仔度焗，好處係啲朱古力漿唔會流到成碟都係，可以食得乾凈啲，但缺點就係個心太軟嗰層朱古力蛋糕會黏咗啲喺杯邊，係可以刮出嚟但食得冇咁爽。今日見到隔黎枱食舊版，我先知原來店舖新舊版都有提供。我都係鐘意原始啲嘅舊版，食到成灘朱古力漿先係「豪」。
候爵特濃72心太軟配黑松露味雪糕
14 瀏覽
0 讚好
0 留言
雖然話係輕食lunch，結果我哋兩個食完都好飽，又要做N次瑜珈去減膏。
張貼
