了不起 (已結業)

天氣熱到喊，行喺條街多5分鐘都出汗出到濕哂，個人憫憎到要爆炸🤯 見到呢間「了不起」唔洗排隊，即刻衝入去叫杯黑糖鮮奶黎飲！廿八蚊杯，同同類鋪頭比唔算貴，size亦正常，等5分鐘就有得攞。一飲落去，凍係幾凍，但真心甜到漏！！！甜到我飲左第一啖唔小心regurgitate 番出黎😱 不過冇辦法，都叫左唯有頂硬上。我覺得奶味唔夠香，成杯野得甜味。。。好彩啲啫喱幾好食。總括黎講，飲完呢杯野會好飽肚，但建議大家叫少甜。