天后甜品

營業中

休息中

中午食完飯口痕，於是同同事去左食糖水。本身想試第二間嘅，可惜果間裝修緊，雖然天后有好多甜品舖，但係中式糖水唔係間間有，冇咩選擇吓就黎左天后甜品食喇。我地叫左芝麻糊同桑寄生蓮子蛋茶，個桑寄生蓮子蛋茶望落色水唔錯，好似好濃咁，不過事實上係好濃嘅糖味，超級甜，但係冇咩桑寄生味，我食晒d蓮子同隻蛋就停左手，寧願浪費都唔想糖尿病。芝麻糊亦唔見得好好多，我同事都話係超甜，佢食左一半都頂唔順放棄左。雖則話糖水係應該甜嘅，但係點都有個限度丫，我以後唔會再搵條命博。