影片
更多
2015-06-27
1955 瀏覽
話說之前成日經過旺中都望到風月堂個menu,佢D甜品好鬼吸引，想try try 好耐。今日同屋企人食飯，爸媽就強烈推介佢地幾次兩人世界食過嘅風月堂。環境好舒服，一上到去就見到佢有個大書架，坐喺長枱嘅一個女仔好悠閒咁攞左本書睇得好入神，好有日本cafe嘅感覺。Staff安排左我地坐喺角落嘅半圓safe枱，五個人坐有D擠擁，我地有D袋都要放係safe seat上面，有D不舒服，扣左D分.....叫左個4個餐，4個都跟餐包，呢度餐包不是普通西餐廳個種，待應上菜時微熱，食落香香軟軟，唔洗搽牛油都得，但等得左一陣唔食佢就好快硬哂。 酥皮周打蜆湯&酥皮龍蝦湯爸爸大人講好耐無飲酥皮湯，所以就叫左個酥皮周打蜆湯&酥皮龍蝦湯。酥皮又香又脆，一上菜3秒唔洗影完相，就比我地急不及待吉爛哂個酥皮定佢沈入個濃湯到。啖啖濃烈牛油香嘅酥皮加埋蜆湯同龍蝦湯嘅海鮮味，絕配 但龍蝦湯夠濃龍蝦味但廚師今日好似有D重手，比較咸，麻麻地，但個蜆湯好creamy,又有多多蜆肉，重重忌廉味加蜆鮮味。 芒果三文魚青瓜卷賣相一流，特別吸引我地young girl食。三文魚夾埋青瓜好fresh,加埋個三文魚卷內有少少芒果汁，少
話說之前成日經過旺中都望到風月堂個menu,佢D甜品好鬼吸引，想try try 好耐。今日同屋企人食飯，爸媽就強烈推介佢地幾次兩人世界食過嘅風月堂。
環境好舒服，一上到去就見到佢有個大書架，坐喺長枱嘅一個女仔好悠閒咁攞左本書睇得好入神，好有日本cafe嘅感覺。
Staff安排左我地坐喺角落嘅半圓safe枱，五個人坐有D擠擁，我地有D袋都要放係safe seat上面，有D不舒服，扣左D分.....
叫左個4個餐，4個都跟餐包，呢度餐包不是普通西餐廳個種，待應上菜時微熱，食落香香軟軟，唔洗搽牛油都得，但等得左一陣唔食佢就好快硬哂。酥皮周打蜆湯&酥皮龍蝦湯
爸爸大人講好耐無飲酥皮湯，所以就叫左個酥皮周打蜆湯&酥皮龍蝦湯。酥皮又香又脆，一上菜3秒唔洗影完相，就比我地急不及待吉爛哂個酥皮定佢沈入個濃湯到。啖啖濃烈牛油香嘅酥皮加埋蜆湯同龍蝦湯嘅海鮮味，絕配 但龍蝦湯夠濃龍蝦味但廚師今日好似有D重手，比較咸，麻麻地，但個蜆湯好creamy,又有多多蜆肉，重重忌廉味加蜆鮮味。
芒果三文魚青瓜卷賣相一流，特別吸引我地young girl食。三文魚夾埋青瓜好fresh,加埋個三文魚卷內有少少芒果汁，少少酸酸甜甜咁，好啱夏天食。本人就唔太鍾意點埋旁邊嘅沙律汁一齊食，因沙律汁會蓋過三文魚嘅鮮味加整個卷fresh嘅感覺，會變得膩膩
韓式泡菜石頭窩飯整個石頭窩飯好足料，因細妹唔食得生蛋，所以轉左熟蛋，將全部材料加埋泡菜拌好，已經好夠味，再加上韓式辣醬，飯焦更加辣得惹味~~
彩色繽紛窩夫碟甜品賣相好吸引，好貼合彩色繽紛呢個名，又有芒果，士多啤梨，奇異果，哈蜜瓜夾住個窩夫，但D cream太多，雖然配埋雪糕都太濟，食到成口cream。D個甜品比我嘅印象就只有cream...cream...cream...
芒果聖代都係個句賣相好好，底下好有層次，有芒果、士多啤梨伴碟，吉士醬，脆脆，士多啤梨醬，之後又係大量嘅cream,上面個三個東東，開始仲以為係整個都係QQ質感，點知一食只有外面QQ,裏面都係充斥住cream,冇咁待特別，都係個句: 只食到cream, cream, cream...同埋cream....
結論: 甜品令人失望 只有賣相可以吸引下人，食落就另一回事!
張貼
