綠林甜品 (已結業)

媽媽去過深水埗分店食過的它的糖水，覺得幾好食，近排飲食節目亦都有介紹過呢間，今日飯後就食下糖水潤一潤啦！入到去我哋被安排坐近廚房位置個張枱，飄來一浸臭味，跟住我地坐過另一張枱，調咗位就好好多。我望一望餐牌，傳統糖水，例如芝麻糊、紅豆沙的價錢都唔平，特別係蛋白杏仁茶 (即叫即製)，要$41， 就叫咗一個試下啦！蛋白杏仁茶開初我仲凝住係咪我的味覺有問題，我食到有浸苦味呀！阿媽就話嗰浸係杏仁衣的味道，仲話係我食唔慣，其實每次去食傳統糖水，我大部分揀食杏仁。跟住老公又幫我試下，開頭佢都話冇問題，食下食下佢都話真係有陣苦味喎！終於證明咗我個味覺係正常。食糖水期間，店員仲不停咁講，全部都係人手磨。