芝麻開門甜品專門店

營業中

休息中

疫情關係都好耐冇出過街食嘢，尤其是食甜品。對上一次都唔知幾耐之前。今日咁啱嚟到太子就食下呢間芝麻開門啦！叫咗個招牌甜品芒果拿破崙，咁佢一上碟呢我哋都覺得好靚好色彩繽紛。佢會有芒果、雪糕同埋果醬。呢個拿破崙新鮮製作上枱時仲熱辣辣之後夾埋新鮮嘅芒果肉，舖頭嘅芒果好特別佢係超級冰凍嘅同埋酸中帶甜甜中帶酸嘅感覺，好冰凍。配上綠茶雪糕感覺剛好。之後再叫咗個窩夫，我哋叫咗一球雪糕窩夫。呢個記得都係製作需時所以記得要耐心等候啊！可以揀朱古力醬或者士多啤梨醬咁我哋揀咗朱古力醬，再配埋比較特別嘅奶茶雪糕。變咗係好配合好似飲緊奶茶又食緊美味嘅甜品咁，感覺好特別！雖然係簡簡單單但係都好滿足！有陣時食嘢或者食物唔係最重要而係整體環境所有因素配合得宜。而時間都尚早但係舖頭都已經有唔少客人，可見呢啲係受到街坊支持咁大家都記得支持呀。