唐記 (已結業)

今日喺葵涌嗰度行咗陣，畀我見到間唐記包點喎，之前喺唐記裏面買嗰佢啲飯食都幾好食。今日行過突然之間好想試下佢個蕃薯糖水。今日呢係膽粗粗入咗去裏面呢買咗個蕃薯糖水，點解話膽粗粗呢，因為呢我印像中唐記包點係做啲蒸飯同蒸包係出名，我又未試過佢嘅糖水喎，。不過今日最後呢都係買咗個糖水嚟試一試。價錢相當便宜，而且拎出嚟嘅時候係熱辣辣嘅 。返到去打開嚟食啲番薯都冇淋咗，依然都有啲咬口，而且呢有少少薑味唔係太甜，整體嚟講呢個價錢，有呢個質素都唔錯。