Cobber Coffee and Tonys Pastry (裝修中)

今次已經係第四定唔知第五次黎食，排左差唔多半個鐘隊，就係為左食呢度既甜品😌每一次都忍唔住叫佢既招牌梳乎厘，今次就嗌左榛子、朱古力、焦糖香蕉口味，空氣感十足既梳乎厘加上滿滿朱古力忌廉，極度邪惡😜另外，嗌左兩杯野飲，一杯百香果冰茶，無咩特別，純粹解膩。另一杯綠茶鮮奶就好有驚喜，奶味濃郁，同綠茶既甘味好夾👍🏻印象中呢度既主食還好，但甜品就好出色，每隔一段時間就會想再黎，希望下次都keep住咁好食啦！