海景粥店茶餐廳 (已結業)

今日下午我們去咗旺角亞皆老街嘅「海景粥店」食下午茶！我們叫咗皮蛋魚片粥、腸粉、特餐：鷄扒鷄中翼出前一丁麵配火腿奄列跟多士同芝麻糊！皮蛋魚片粥嘅粥底煲得都幾綿，魚片都幾鮮甜，皮蛋亦幾甘香，而且份量都幾多！腸粉嘅賣相唔係好吸引，切到大小不一，而且質感比較「嚡」同唔係好嫩滑！特餐：鷄扒鷄中翼出前一丁麵嘅鷄扒都幾大塊，而且肉質亦幾軟滑，鷄中翼嘅表面都煎得幾香口！火腿奄列跟多士就不過不失！芝麻糊嘅味道相當香濃，而且唔會好稀，濃稠度調教得幾好！