利寶閣 (已結業)

星期六下晝同屋企人飲茶，阿媽之前試過話幾好食，於是就去試下。環境 - 幾好，雖然樓酒唔會有卡位，不過都有梳化坐喎，幾創新，好舒服。唯一係冷氣勁左D，要帶多件衫。食物 - 中上之作。尤其個魚湯米線，好鮮甜。我平時唔LIKE魚湯GA，怕腥，不過呢個又冇問題喎，我仲encore一碗。甜品就最出色，我從來未食過咁鬆化蛋散，以前食過其他酒樓或者街買既，都係超厚粉，得個硬字，但今次呢間就好鬆化，而且一D都唔油，大家都食到好HAPPY。個奶凍都唔錯，好滑，唔太甜。兩款甜品都唔會令人有飽飽滯滯既感覺，非常之唔錯！