Gram Cafe & Pancakes

營業中

休息中

Gram Cafe & Pancakes香港店的日式裝修雅致，環境透光舒適，有多款咸/ 甜pancakes以供選擇。招牌Premium Pancake係限量供應，梳乎厘班戟等候需時20分鐘左右，厚厚既Premium Pancake 出場時非常吸睛，震動感十足﹑影相拍片一流，配上日本忌廉、牛油同花蜜一齊食，非常鬆軟可口，但始終都係似風一樣既梳乎厘質感，不太實在，不過人人口味不同。烤蘋果配紅茶忌廉班戟：烤過既蘋果帶有肉桂香，紅茶忌廉甜度適中更有微微茶香，而微暖既班戟配上幼滑既雲呢嗱雪糕，一冷一熱口感不錯，有驚喜！意大利芝士蛋糕班戟：三塊灑上朱古力粉、朱古力碎既班戟夾住幼滑吉士醬，三層一次過切開同食口感更好更rich ，只係味道稍甜，感覺比其他較為飽滯。法式多士：使用厚身丹麥麵包加糖煎焗，但牛油味重過蛋味，試一試還好。