啖啖燕窩 (永顯工業大廈)

營業中

休息中

今日去咗新蒲崗新分店拎外賣燉品，順手賣咗啲甜品返屋企食。佢哋除咗啲燉品出色，甜品都係每日鮮製好好味。芝士奶蓋燉蛋 $58下面係芝士燉蛋，上面係海鹽奶蓋，好大罐兩個人Share都夠。仲有個好靚嘅玻璃罐。特濃3.6牛乳鮮奶凍 $18牛奶味真係好濃，幼滑得來口感輕盈，相對起燉蛋呢個冇咁甜。感覺健康好多。冰糖紅棗杞子燉雪燕$58講到養生甜品都係要食返佢哋啲燉品，除咗雪燕，仲可以揀桃膠或者燕窩。喺度買可以省卻好多功夫，呢啲都係新鮮做要即日食咗佢。蒜香花膠$55另外仲會喺度買啲小食，呢隻發覺可以就咁凍食或者返熱做餸。非常方便，花膠都幾厚身，炆到入曬味。拎返屋企加個即食麵又一餐。