影片
更多
2017-12-20
201 瀏覽
琴晚同兩個姐妹約左尖沙咀食飯，梗係要搵間多野食揀又坐得舒服既cafe，千挑萬選下揀左呢間餐牌好多甜品既ufufu入到去個疑似經理既男人問有無book位，聽到我地話無 就同個staff講：「咪俾果張佢地囉」好似好唔情願咁🤔好彩最後都安排左張窗口卡位。因為限時個半鐘交枱，所以都拿拿臨落單，揀左三個主食、一個甜品、三杯野飲。野飲我地嗌左兩杯抹茶煉乳latte同一杯香蕉鮮奶。抹茶煉乳latte，有抹茶味，但無starbucks果啲咁濃味，飲唔出有加煉奶。香蕉鮮奶，香蕉味好香，唔算太甜。最先上枱嘅係呢個卡邦尼意粉，煙肉份量唔算多，但厚切有野咬下，增添左口感唔會太齋。意粉食落偏韌，好似未煮夠時間就上枱咁，醬汁濃稠，一pat pat咁，個人唔太中意，但味道係夠濃既。呢款pizza屬於薄批，但厚薄適中，唔會好似Pizza Hut個薄脆批咁唔飽肚。抵讚嘅係芝士份量好足，配埋番茄醬好juicy，鮮蝦夠爽夠大隻，好味呢款蛋包飯價錢雖然偏貴，但吉列豬扒算幾大塊，而且好厚身，有一吋厚外皮炸得好脆唔油膩，肉質厚實，但有少少筋位。蛋包飯份量比較少，蛋仲多個飯，但真心個飯幾好食，裏面仲有蘑菇，食落口感豐富左。反而咖喱
梗係要搵間多野食揀又坐得舒服既cafe，
千挑萬選下揀左呢間餐牌好多甜品既ufufu
入到去個疑似經理既男人問有無book位，
聽到我地話無 就同個staff講：「咪俾果張佢地囉」好似好唔情願咁🤔
好彩最後都安排左張窗口卡位。
因為限時個半鐘交枱，
所以都拿拿臨落單，揀左三個主食、一個甜品、三杯野飲。
野飲我地嗌左兩杯抹茶煉乳latte同一杯香蕉鮮奶。
抹茶煉乳latte，有抹茶味，但無starbucks果啲咁濃味，飲唔出有加煉奶。
香蕉鮮奶，香蕉味好香，唔算太甜。
厚切煙肉卡邦尼意粉
$78
9 瀏覽
0 讚好
0 留言
最先上枱嘅係呢個卡邦尼意粉，煙肉份量唔算多，但厚切有野咬下，增添左口感唔會太齋。
意粉食落偏韌，好似未煮夠時間就上枱咁，
醬汁濃稠，一pat pat咁，個人唔太中意，但味道係夠濃既。
水牛芝士鮮蝦薄餅
$78
8 瀏覽
0 讚好
0 留言
呢款pizza屬於薄批，但厚薄適中，唔會好似Pizza Hut個薄脆批咁唔飽肚。
抵讚嘅係芝士份量好足，配埋番茄醬好juicy，鮮蝦夠爽夠大隻，好味
吉列厚切黑豚咖哩蛋包飯
$148
8 瀏覽
0 讚好
0 留言
呢款蛋包飯價錢雖然偏貴，但吉列豬扒算幾大塊，而且好厚身，有一吋厚外皮炸得好脆唔油膩，肉質厚實，但有少少筋位。
蛋包飯份量比較少，蛋仲多個飯，但真心個飯幾好食，裏面仲有蘑菇，食落口感豐富左。
反而咖喱汁冇乜特別，都係平時食嗰種日式咖喱，而且裏面冇乜配菜，應該係用市售咖喱磚煮成。
法式西多士
$48
11 瀏覽
0 讚好
0 留言
賣相好吸引，上枱熱辣辣，令人垂涎三尺比疏乎厘硬少少，好易切，外脆內軟，裏面係麵包布甸嘅質感。
一切開，蛋香傾瀉而出，西多士表面吸收哂牛油同楓糖漿，食落邪惡得黎好有滿足感可以搭配雲呢拿雪糕或cream食用，冰火口感層次再提升。
值得為呢個西多士翻兜
張貼
