影片
更多
2017-10-22
302 瀏覽
發現本地有葡國菜，好耐無過大海食旣我好快約埋阿媽去品嘗下！阿公係葡國人，自小去唔少澳門旣我，食過最難忘反而係舊時尖沙咀嘅澳門餐廳。咁呢間由葡國人主埋嘅又如何？我未食過西貢舊鋪無得比較，但都知道擴充都好難保存食物水準。刀貝蜆第－舊就覺好腥，成碟有－半係唔合格！燒沙甸魚就因為洗唔淨有Ｄ位有苦味！和暖嘅芝士馬介休薯仔球就係成舊芝士無流心無馬介休味包唔辣親！肥仔葡式炒飯就只係加咗Ｄ提子干嘅西炒飯！葡式意粉味道可以，牛尾煲好油但都算滋味，乳豬都有水準👍水果酒可以淨落Ｄ橙味嘅表皮唔好連Ｄ苦嘅白色部分被我扣分｡服務就有更大嘅改善空間，準時到埗接待處無人,等到有人出黎問完妳，之後就入返去妳又係企係度等，等到張靠牆枱但成張椅係薯片無人清，張枱邊黏住醬汁又無人抹！Ｄ侍應可能係partime但唔該開工前了解下今日嘅甜品拼盤，有咩供應，蛋糕係咩款式，Ｄ免費豬仔麭唔問都無人主動拎嚟。我都唔想阻你收工，但係Ｄ野未到齊10:25妳就攞張單叫我埋，甜品據報導係有專人負責，呢樣係最不負眾望😀我老公重笑話今晚原來係黎食甜品，哈哈😬
張貼