啖啖燕窩 (永顯工業大廈)

營業中

休息中

我哋上網見到呢個甜品專門店，粉紅色做主題，專誠黎打卡😊嚟到現場，果然好可愛，而且啲甜品都好好味，多款得來全部都好吸引👍🏻有雪燕、有燕窩、有養顏燉品、有小甜品、燉湯同惹味小食等🤭正！我哋個甜品胃完全💯得到滿足！椰香奶凍雪燕：椰香十足，奶凍滑溜，一吸就啜入口，而且啲雪燕好多，啖啖滿足😌牛奶桃膠：牛乳味好重，又唔會過甜，桃膠一樣份量好多，真係食完都覺得滋補😏芒果shake shake飲：啲芒果肉真係好甜，入邊仲有啲西米，椰奶又好味，真係好幸福🫶🏻最正嘅係，原來呢度係有得食米線㗎！我哋叫咗碗世一無敵牛丸米線配金蒜豬骨濃湯🍲發現呢一間係比甜品耽誤嘅米線舖😂😂因為呢度嘅米線竟然比出面專食米線餐廳嘅出色好多😍米線彈牙，湯底濃郁得來好惹味，少少辣🤩仲有啲牛丸非常彈牙！呢碗米線我食到一滴都不值，我絕對會為呢一碗米線，再嚟多幾次😳