Pasticceria Giovanni Pina 1920 (如心廣場一期) (已結業)

今日同朋友特登去佢啲甜品，之前睇到啲報道，講到佢啲甜品好勁咁，一於去試吓！喺門口侍應已經同我講話每人最低消費$120 ，我話OK啦；帶位途中又同我講限時60分鐘。我見到全場好多空位，即刻打咗個突。跟住侍應同我講，話如果我食四百幾蚊嗰個Tea set先可以坐90分鐘。What？？其實正常下午茶時間，我坐低飲咖啡、食甜品...都係諗住同朋友傾吓計，唔係60分鐘要走呀嘛？！其實如果我要食快餐，我可以去茶餐廳。結果我哋兩個人要嗌兩杯咖啡，三件蛋糕先至夠數..好啦，唔緊要啦，我主要都係試吓佢哋嘅甜品，不過....結果好失望。普通到我搵唔到任何形容詞形容，啲報道真係吹噓得太緊要。我只可以講，星x克係好食過佢...。btw, 我杯咖啡係酸！