影片
更多
2024-09-10
40 瀏覽
今次黎到屯門出名既甜品店嘆甜品，佢地既甜品真係好多選擇！成間舖頭都充滿着貓貓裝飾，貓奴一定會好開心桃膠雪燕椰皇估唔到咁足料！燉奶好滑，連埋椰皇食好潤🫶🏼最正係佢地既桃膠同雪燕，真係俾足一碗你自己倒入去食，桃膠仲要大大粒椒鹽小食拼盤呢個拼盤分別有薯條、炸雞、雞腎同炸燒賣，嘢食炸得啱啱好，唔會炸到好乾或者好油，唔錯👍🏼有機蜜糖丹麥吐司配開心果雪糕簡單但好味！吐司外脆內軟，配埋蜜糖同忌廉真係好香，小朋友都好鍾意食～開心果雪糕都好香，連埋吐司一齊食口感好豐富白桃烏龍食咗咁多甜嘢，飲番杯白桃烏龍茶就最啱啦！有浸淡淡嘅白桃味，中和口腔嘅甜味岩鹽奶蓋無花果乾窩夫配日式焦糖燉蛋淨係睇個樣都覺得正呀！奶蓋好香好滑，加埋窩夫一齊食真係好夾～我哋特登加咗麻糬，食落好煙靭。焦糖燉蛋好重奶味，鍾意布甸嘅朋友一定唔可以錯過！士多啤梨乳酸底層有士多啤梨果肉，加埋乳酸，酸酸甜甜咁好開胃，不過如果好似我地咁食咁多甜品就會有d漏lol總括嚟講呢間甜品舖嘅嘢食真係唔錯，而且大大份好抵食！好適合一家大細個share食
今次黎到屯門出名既甜品店嘆甜品，佢地既甜品真係好多選擇！成間舖頭都充滿着貓貓裝飾，貓奴一定會好開心
桃膠雪燕椰皇
估唔到咁足料！燉奶好滑，連埋椰皇食好潤🫶🏼最正係佢地既桃膠同雪燕，真係俾足一碗你自己倒入去食，桃膠仲要大大粒
椒鹽小食拼盤
呢個拼盤分別有薯條、炸雞、雞腎同炸燒賣，嘢食炸得啱啱好，唔會炸到好乾或者好油，唔錯👍🏼
有機蜜糖丹麥吐司配開心果雪糕
簡單但好味！吐司外脆內軟，配埋蜜糖同忌廉真係好香，小朋友都好鍾意食～開心果雪糕都好香，連埋吐司一齊食口感好豐富
白桃烏龍
食咗咁多甜嘢，飲番杯白桃烏龍茶就最啱啦！有浸淡淡嘅白桃味，中和口腔嘅甜味
岩鹽奶蓋無花果乾窩夫配日式焦糖燉蛋
淨係睇個樣都覺得正呀！奶蓋好香好滑，加埋窩夫一齊食真係好夾～我哋特登加咗麻糬，食落好煙靭。焦糖燉蛋好重奶味，鍾意布甸嘅朋友一定唔可以錯過！
士多啤梨乳酸
底層有士多啤梨果肉，加埋乳酸，酸酸甜甜咁好開胃，不過如果好似我地咁食咁多甜品就會有d漏lol
總括嚟講呢間甜品舖嘅嘢食真係唔錯，而且大大份好抵食！好適合一家大細個share食
張貼
