北海丼 (已結業)

Lunchtime 一班同事過嚟食，book左位，環境唔錯。我哋都係叫set lunch. 魚生好新鮮，就算熟食都好食。份量啱啱好唔會浪費，又唔會唔夠食。不過甜品就真係好失望啦。見到個有個北海道牛乳蛋糕$98，到心大心細叫唔叫，因為一啲都唔平，仲貴過Lady M。既然今日出公數，就叫一個試吓啦。點知仲細過一片美心嘅卷蛋。細都算啦，冇忌廉味冇牛奶味冇蛋味，只得甜味。仲落左啲士多啤梨醬喺面，遮蓋左蛋糕嘅味道。又見到個蛋糕嗰一刻嬲到埋單嗰刻🔥另外焦糖燉蛋，還可以接受，都好食嘅只係$48。南瓜紅豆到個杯雪糕，入邊有幾粒院子，都好食嘅，不過價錢都係偏貴。食飯就食飯，甜品都係出去食好啲