影片
更多
2018-06-29
72 瀏覽
嚟The ONE食晚飯，都真係幾多選擇，最後同朋友揀左和食 「宏」。望入去有大大件和服掛住喺度，天花有啲七彩圓圈燈，都幾吸睛。今晚同朋友都餓底，食左好多嘢呀！純日本白燒鰻魚定食，當然最特別係白燒鰻魚，好少地方有得食。有四種食法：日本芥末和醬油、柚子醬油、鹽、鰻魚醬，其實仲可以加多兩款：七味粉、山椒粉。每款都可以試吓，我最鍾意少少醬油加山椒粉，味道好清新特別。白燒鰻魚唔算好厚身，但就非常彈牙，而且無骨，食得滋味。和風牛肉飯套餐睇相片係吉野家牛肉飯咁嘅款，嚟到竟然係三色椒洋蔥牛肉粒飯，同我地想像中真係差好遠，雖然味道唔錯，但真係幾失望。希望MENU能夠更改返幅圖，或者改返個煮法……跟餐的抹茶小蛋卷，細細件，超好食，低甜又綠茶味濃。日本草莓沙冰問左店員係咪新鮮日本草莓製，佢答係，所以先叫。味道清甜，好香既士多啤梨香味，用味十足。宇治抹茶沙冰抹茶軟雪糕抹茶沙冰同軟雪糕都係低甜又超濃抹茶味，個軟雪糕係好大個架。抹茶窩夫栗子蓉打成慕絲，再加左兩塊抹茶曲奇。最估唔到係抹茶窩夫入面都係好濃綠茶味，必食。咖啡凍巧克力慕思芭菲最底係咖啡啫喱，食落甘中帶點苦。最好係配埋上層啲慕絲一齊食，好夾。中間仲有層蛋
今晚同朋友都餓底，食左好多嘢呀！
純日本白燒鰻魚定食，當然最特別係白燒鰻魚，好少地方有得食。有四種食法：
日本芥末和醬油、柚子醬油、鹽、鰻魚醬，其實仲可以加多兩款：七味粉、山椒粉。每款都可以試吓，我最鍾意少少醬油加山椒粉，味道好清新特別。
白燒鰻魚唔算好厚身，但就非常彈牙，而且無骨，食得滋味。
和風牛肉飯套餐
睇相片係吉野家牛肉飯咁嘅款，嚟到竟然係三色椒洋蔥牛肉粒飯，同我地想像中真係差好遠，雖然味道唔錯，但真係幾失望。希望MENU能夠更改返幅圖，或者改返個煮法……
跟餐的抹茶小蛋卷，細細件，超好食，低甜又綠茶味濃。
日本草莓沙冰
問左店員係咪新鮮日本草莓製，佢答係，所以先叫。味道清甜，好香既士多啤梨香味，用味十足。
宇治抹茶沙冰抹茶軟雪糕
抹茶沙冰同軟雪糕都係低甜又超濃抹茶味，個軟雪糕係好大個架。
抹茶窩夫
栗子蓉打成慕絲，再加左兩塊抹茶曲奇。最估唔到係抹茶窩夫入面都係好濃綠茶味，必食。
咖啡凍巧克力慕思芭菲
最底係咖啡啫喱，食落甘中帶點苦。最好係配埋上層啲慕絲一齊食，好夾。中間仲有層蛋糕，一杯有幾層口感，唔錯。
一餐之中有甜品作結真係好滿足，最鍾意就係一條龍嘅餐廳，有埋甜品食，唔駛食完飯再去搵甜品舖。而且呢度甜品出色仲要又濃又低甜，我鍾意！
張貼
