E FOR EGG

營業中

休息中

家長朋友講西環有間超高質甜品，上星期接完小朋友放學，慶祝佢哋終於考完試，一於搭幾個站地鐵去試吓，去到餐廳成個感覺都好chill，坐榻榻米食飯，小朋友覺得好新鮮，原本只係諗住嚟食甜品，但佢哋又話肚餓，結果叫咗碗拉麵，同埋啲小食，天婦羅拉麵，新鮮炸起，食入口好香脆，拉麵麵條質感好好，湯底好濃郁，另外叫咗餃子雞翼，冇骨嘅口感，小朋友最鍾意，啖啖肉食得特別爽，另外雞肉串，雞肉又咬口去埋醬汁好香濃，作為小食啱啱好。不過我最期待都係食呢度嘅甜品，下午茶咁啱可以點套餐，蛋糕加配飲品，食咗招牌窩夫，窩夫上面有雞蛋嘅造型，但其實唔係真係雞蛋，係甜甜地嘅cream，食入口好香滑。而小朋友就叫咗，綠茶栗子蓉窩夫，真係做得好出色，同我早前喺日本食嘅感覺竟然差唔多，最精彩入邊嘅窩夫依然可以做到脆脆嘅口感，食咗呢個超大份嘅下午茶，飽到夜晚都冇食嘢，不過真係非常高質，下次一定要試埋其他食物。