kikusan (已結業)

因為今日嚟到希慎行街，所以就搵返附近嘅餐廳試吓，其中呢一間類型比較少有，佢係包含咗上海菜同日本菜，所以就去咗試啦😎入到去環境唔算好特別，都係普通一間暗格調主題為主，佢個menu好搞笑，有啲打棟有啲打橫，變咗你要成日轉來轉去睇🤔題外話講完,今次就試吓佢個必食推介，千層豬扒擔擔面(走辣)佢個豬扒側邊睇真係一層層捲住，好特別，咬落去好鬆軟，外層都脆既，唔錯，但個面份量真係少到有啲過份，我哋兩個人食諗住share個面，點知我哋都係食咗兩三啖就冇🤷🏻‍♀️我覺得係有少少誇張嘅，反而個面食晒啲豬扒仲有淨🤔之後叫咗個豚肉小籠包，個皮唔會太厚，入邊都有啲肉汁整體上都OK嘅松子魚其實之前喺第二度都食過佢係一個好開胃嘅菜嚟，本身我都驚太大份太多兩個人食唔晒但原來其實佢係得幾嚿，炸出嚟個口感都ok既，唔會太厚粉同好油，但個汁真係差啲，咁味就好似茄汁溝水咁，完全帶唔到正宗松子魚個感覺出嚟😩😩最尾嗌咗個甜品都係佢哋必叫既，花生黑芝麻驢打滾，呢個甜品仲好食過主菜，佢個黑芝麻同啲花生炒到好香，整出嚟嘅時候熱辣辣，入邊啲餡超多咬落去個味好出，好煙韌👍🏻👍🏻必試💗因為我哋去到嘅時候已經接近就嚟last order，唔知啲