瑰花甜戀愛甜品屋 (已結業)

高溫熱辣辣總會想搵個地方乘涼，瑰花甜戀愛甜品屋係一個唔錯既好地方，既岩情侶黎，又岩女仔朋友黎。甜品價錢都比一般坊間甜品平，平均三十幾至五十蚊左右。呢杯紫薯沙冰色較淺色，冇乜落色素，有少量紫薯味，但零甜味，呢個應該唔會再叫，但其他甜品就可以值得再試。冰村藍精靈冰露好似藍色既雲柱集結杯中，雲團飄浮中，勁靚，而且影左好耐相都冇溶。冰感細滑，微微既荔枝甜味，加上粒粒晶瑩剔透一口咬爆既爆珠，食完爽哂。呢個心太軟朱古力流心度一般，可以再爆啲，不過切開就好香濃酒味，朱古力漿亦帶少少酒甘甜，但耐左就會揮發哂，最好趁早食。呢個意式黃金撈主要都係楊枝金露mix涼粉，芒果夠哂香甜，怕食左芒果會濕熱冇有怕，仲有涼粉清番啲濕毒，咁就唔怕食芒果啦，哈哈。個糖水食落有啲似酒樓芒果布甸加花奶味道，幾有親切感架。