影片
更多
2019-04-08
678 瀏覽
之前睇到有人推薦哩間門面頗有特色既粉麵、甜品店，咁啱經過就一於試下！因為啱啱食完lunch，就無試到佢啲粉麵，淨係叫左甜品。作為煙韌控，一定會叫糖不甩啦糖不甩有六粒，都幾大粒下。面頭加左椰絲、砂糖同花生碎粒，增加左咬口，但整體起到既作用唔大。個人對椰絲等興趣唔大，加上加左之後會更甜，最後都無食曬。上到台果陣仲係好熱，出曬煙～熱食果陣會比較軟同痴牙，無咩口感，淨係得糖水既甜味。煙韌控追求既煙韌口感要等糖不甩凍啲食先好會有，但係老闆娘眼神兇狠，驚你坐耐左阻住佢做生意咁，就唯有快啲食完所以無口感可言既糖不甩不是我杯茶眾所周知，糖不甩其實就係糯米粉整成既無餡湯丸，再用糖水浸泡，做法超級簡單。以製作糖不甩既簡單程度黎講，哩到既糖不甩十分普通。芝麻糊係個大伏！就咁睇都覺得冇咩野，一筆，哇！仲稀過啲水。一睇就知係開水沖既，即刻無曬期望。果然！睇真啲仲有啲顆粒狀既物體係底，沖得唔夠均勻味道當然唔洗再講啦，零芝麻味，得少少甜同苦澀味，質地同水相近，完全欠缺正宗芝麻糊應有既稠身質地雖然好大碗，但比啲質素咁差既食物我，性價比再高都無用。無食過佢啲粉麵，見人地食賣相唔差，但食完甜品中完伏之後，加上老闆娘態度奇
之前睇到有人推薦哩間門面頗有特色既粉麵、甜品店，咁啱經過就一於試下！
因為啱啱食完lunch，就無試到佢啲粉麵，淨係叫左甜品。
糖不甩
$14
42 瀏覽
0 讚好
0 留言
糖不甩有六粒，都幾大粒下。
面頭加左椰絲、砂糖同花生碎粒，增加左咬口，但整體起到既作用唔大。
個人對椰絲等興趣唔大，加上加左之後會更甜，最後都無食曬。
上到台果陣仲係好熱，出曬煙～
熱食果陣會比較軟同痴牙，無咩口感，淨係得糖水既甜味。
煙韌控追求既煙韌口感要等糖不甩凍啲食先好會有，但係老闆娘眼神兇狠，驚你坐耐左阻住佢做生意咁，就唯有快啲食完
所以無口感可言既糖不甩不是我杯茶
眾所周知，糖不甩其實就係糯米粉整成既無餡湯丸，再用糖水浸泡，做法超級簡單。
以製作糖不甩既簡單程度黎講，哩到既糖不甩十分普通。
芝麻糊
$14
38 瀏覽
0 讚好
0 留言
就咁睇都覺得冇咩野，一筆，哇！仲稀過啲水。
一睇就知係開水沖既，即刻無曬期望。
果然！睇真啲仲有啲顆粒狀既物體係底，沖得唔夠均勻
味道當然唔洗再講啦，零芝麻味，得少少甜同苦澀味，
質地同水相近，完全欠缺正宗芝麻糊應有既稠身質地
雖然好大碗，但比啲質素咁差既食物我，性價比再高都無用。
無食過佢啲粉麵，見人地食賣相唔差，
但食完甜品中完伏之後，加上老闆娘態度奇差，我完全唔會想再幫襯，
就算佢好食到曉飛都無用
31 瀏覽
0 讚好
0 留言
張貼
