蜜蜜見 (已結業)

食完飯之後經過呢間甜品店，諗住食個飯後甜品先，睇咗佢哋個Menu佢哋主打嘅甜品都唔係一啲傳統食嘅糖水，都係一啲細食同埋一啲比較有創意嘅甜品，不過我就保守啲，今次叫咗個宇治抹茶紅豆奶凍配雲呢拿雪糕，你到嘅時候覺得呢間舖頭都幾有心思，因為佢哋嘅碟都刻有自己舖頭嘅名，雖然唔係咩大不了嘅事不過都叫做一點點心思。眼望見一個抹茶嘅奶凍上面放咗啲紅豆蓉，在上面有啲cream，而雲呢拿雪糕就擺咗喺旁邊，第一啖水過後嘅時候發覺佢嘅抹茶奶凍都幾滑，雖然抹茶味唔係話好澀嗰一種，但係都食得出有茶味，成個感覺反而我食得好舒服，唔會話突然之間有一個茶味凸咗出嚟，我反而欣賞呢一隻抹茶。