菓甜品 (已結業)

同女朋友行街經過寶勒巷，佢話想食甜品，于是我地揀左呢間甜品紅店菓甜品，估唔到佢竟然有晚餐食，正岩都幾肚餓，決定試下。餐廳裝修簡約，環境衛生。點左呢個黑松露野菌意大利飯，黑松露味好濃郁，聞到已經好想食，味道不俗，仲十分creamy,份量也很滿足。食完正餐食甜品，先嗌兩杯野飲解解渴。西瓜薄和特飲同鮮果冰茶賣相好靚，口感fresh。鮮果冰茶有好多款生果，健康有益，飲返一杯真系「365 days happy 😃 with you」啦。女朋友點左呢隻桂花白酒燉雪梨，知佢識嘆啦，呢款甜品有益健康，雪梨潤肺養生，桂花蒟蒻勁爽口，同雪梨好match 。而我就揀左呢款楊枝甘露，夠冰涼，西柚大粒，茫果好甜，正！