甜一刻

營業中

休息中

每次去親荔枝角長沙灣附近，食完飯如果想食甜品結束每次嘅聚會，都會選擇嚟甜一刻食甜品。 今次2個人嚟，夜晚個餐特登食得比較少，留番個肚嚟食甜品。 2個人叫咗一份芒果吐司，份量當然大份，但我地2女仔都可以食完一份。 夏天嘅關係，芒果啱啱好當造，所以啲芒果肉都好甜，唔會酸，亦且吐司嘅鬆軟程度啱啱好，唔會太淋又唔會太硬，好好食，亦且擺盤又好靚，最底仲有用芒果醬整嘅花紋去襯托成個吐司，個樣睇得又食得，CP值非常高。 甜一刻真係非常值得幫襯，甜品種類選擇多，而且價錢合理，味道當然唔洗講係好食，最緊要係連擺盤都有心機，色香味俱全。荔枝角附近有好多餐廳仲有戲睇，如果同朋友喺附近食完飯，步行行過去甜一刻都唔遠，仲可以消化下先，空番少少肚出嚟食甜品。