Mini Friday (銅鑼灣廣場二期) (已結業)

鮑魚雞柳溫泉蛋芝士忌廉意式燴飯（單點$216），內有兩隻磯煮鮑魚，肉質厚肉，口感彈牙，味道鮮甜，雞柳份量多，肉質適中，配料有芝士、蘆筍、雜菌、香草、洋蔥，好足料，溫泉蛋流心效果突出，意大利飯口感煙韌，食落好入味。芝士牛肉漢堡（單點$168），份量多，牛肉食落好Juicy，牛味厚重，配料有芝士、洋蔥、番茄、生菜，麵包口感鬆軟，但已經無咗「香港」兩字，略感可惜，另附有煙肉碎、薯條、沙律、番茄醬。田園沙律（跟餐0），內有芒果味爆珠，沙律菜口感爽脆，車厘茄、粟米食落好新鮮。是日餐湯（跟餐0），南瓜忌廉湯，口感Creamy，南瓜味道濃郁。薄脆（跟餐0），口感香脆，配以千島醬食用，味道更佳。焦糖燉蛋配雪糕（單點$68），焦糖口感薄脆，燉蛋口感滑溜，蛋香味濃，曲奇雪糕味道香甜，採用草莓醬、奇異果醬、草莓、藍莓製作一朵花外型擺盤。凍檸檬紅茶（跟餐0），味道酸甜，茶味濃厚、不苦澀。