Mina House (已結業)

同男友去山頂行山，經過Mina House, 見到佢有個好吸引既甜品放題，就忍唔住入去試試喇。佢係廳中間擺放左一架甜品車，上面有各式各樣既甜品，服務員仲好貼心不停為你加返啲甜品，真係食到你飽為止。佢有甜品蛋糕：伯爵歌劇院蛋糕， 朱古力做上層，餅底比較結實，成個口感好好。朱古力蛋糕， 好香濃既朱古力味，但冇乜甜味，朱古力慕士在中間。芒果熱情果蛋糕，熱情果醬做上層， 軟蛋糕底， 酸酸甜甜，好味 。香草栗子蛋糕， 栗子好幼滑， 中間是軟忌廉，最後一層係蛋糕餅底。綠茶芝士酥蛋糕，好香綠茶味再加上芝士味真係絕配。法式香橙乳酪蛋糕，香草豆腐泡芙 ，玫瑰草莓杯子蛋糕， 柑子撻，這幾款小甜品都放到湯匙上面，插在一條柱上面，做裝飾好又方便客人拎。水果杯就有菠蘿同西瓜放係杯度，食完甜品食返啲生果中和下。