港澳義順牛奶公司 (已結業)

由尖沙咀食到佐敦，當男朋友以為可以準備埋單去搭車返屋企既時候，為食女朋友話想去隔離食埋朱古力燉奶，男朋友唯有做埋人肉地圖帶路行過去啦！坐低都唔洗睇餐牌，一早已經被我鎖定既朱古力燉奶，係你喇，出黎啦！一入口，朱古力奶味濃郁，淨係呢份濃郁就已經唔洗再講其他野，雖然價錢都唔平，但食完已經即刻即刻再叫多碗啊！男朋友試完就好hea地表示：係喎，又真係幾濃喎！就用呢個咁濃郁既甜品為我地既第100日畫上句號啦！（如果無心肝既男友睇到呢篇食評，應該而家先會知我當時係慶祝緊100日🤷‍♀️）