3 Italiani (已結業)

食完晚飯後朋友就提議去食甜品, 甜品係第二個胃當然冇問題啦！於是我哋就去咗試係謝斐道Tower 535 果間甜品店, 之前行街時已經注意到佢哋3個公仔頭, 而家終於有機會試了！雪糕都有成二十多款比你揀, 仲可以試食添, 想試邊款都得! 我就揀咗食繽紛樂口味同咖啡味, 繽紛樂味雪糕好似真係食緊佢嘅朱古力條咁, 唔會太甜幾好! 咖啡味雪糕都好夠咖啡香味,雪糕夠滑!黑朱古力 ~ 好似粒朱古力溶係口咁, 好滑好香, 又唔會漏!士多啤梨芒果新地 ~ 士多啤梨好新甜, 雪糕口感都好似食緊原粒士多啤梨咁! 芒果雪糕都唔弱, 真係好芒果! 下次要再嚟試埋其他蛋糕,飲品先得