影片
更多
2011-09-29
68 瀏覽
又黎寫自助餐食評喇!!哈哈.....今年係食得最多自助餐既一年呢難得今次係老公朋友仔揀Greenery.我都想食好耐架喇~~但沒有老公的生蠔...所以先冇黎試過!我地仲係中秋節正日黎食添!!一入到去.嘩!!個環境真係ok.好寬敞.好開揚.而且仲有人彈琴唱歌添~~可能早訂枱既關係.我地坐得好近拎野食!!主要野食都係圍圈既.另外甜品,刺生,車仔麵檔就係隔離!驟眼睇都几多野食架.但我覺得除左甜品.又無話邊樣特別突出囉.凍海鮮(長腳蟹, 蝦, 龍蝦仔, 青口, 蟹)長腳蟹麻麻.唔係特別好味!其餘海鮮都係一般...燒味檔食左主打既海南雞飯,食落唔係好好味,不過都OK,但諗住佢用得黎做啅頭就以為真係好好好好味....之前其他人話個師傅會問你要雞脾定雞胸,但可能我好遲先去拎,佢冇問到就直接畀左雞胸我地囉!!湯中式有燉湯, 西式有周打蜆湯我自己覺得個燉湯麻麻, 不過老公就話几好, 可能係我飲唔到個陣味啦~不過個周打蜆湯就几好味!!串燒檔(有燒冬菇, 粟米, 腸仔, 雞串, 羊扒...)除左羊几好味, 其他都好普通.....即煮意粉朋友仔們幫我地揀的,有得揀唔同汁同配料!我地食左個蕃茄味的,但唔係好記得
難得今次係老公朋友仔揀Greenery.我都想食好耐架喇~~但沒有老公的生蠔...所以先冇黎試過!
我地仲係中秋節正日黎食添!!
一入到去.嘩!!個環境真係ok.好寬敞.好開揚.而且仲有人彈琴唱歌添~~可能早訂枱既關係.我地坐得好近拎野食!!
主要野食都係圍圈既.另外甜品,刺生,車仔麵檔就係隔離!
驟眼睇都几多野食架.但我覺得除左甜品.又無話邊樣特別突出囉.
凍海鮮(長腳蟹, 蝦, 龍蝦仔, 青口, 蟹)
長腳蟹麻麻.唔係特別好味!其餘海鮮都係一般...
燒味檔
食左主打既海南雞飯,食落唔係好好味,不過都OK,但諗住佢用得黎做啅頭就以為真係好好好好味....
之前其他人話個師傅會問你要雞脾定雞胸,但可能我好遲先去拎,佢冇問到就直接畀左雞胸我地囉!!
湯
中式有燉湯, 西式有周打蜆湯
我自己覺得個燉湯麻麻, 不過老公就話几好, 可能係我飲唔到個陣味啦~
不過個周打蜆湯就几好味!!
串燒檔(有燒冬菇, 粟米, 腸仔, 雞串, 羊扒...)
除左羊几好味, 其他都好普通.....
即煮意粉
朋友仔們幫我地揀的,有得揀唔同汁同配料!
我地食左個蕃茄味的,但唔係好記得有咩料,哈哈...不過呢樣几好味!!
熱葷
特別有印象既係椒鹽瀨尿蝦同千層麵!!!呢兩樣算係最好味!!
刺身壽司
刺身有七款,但我地都只係食左三文魚,八爪魚,吞拿魚! 都几好味! 但上次食marco polo厚切既三文魚正好多~
壽司係火炙既,呢個我覺得几特別!! 好少buffet會有! 火炙鰻魚, 玻璃蝦, 同玉子都好味!!甜品
又到我既最愛~~哈...我覺得係成個buffet最出色既!
佢有個即煮pancake,真係好好味!! 首先你可以揀原味底或pandan底,餡料可以揀生果,雪糕或nuts!我就試左個pandan底加朱古力雪糕加香蕉!!哈哈....如果可以,我想食多個原味添架!!
食完個pancake就輪到其他甜品喇!!
佢個甜品櫃有10款甜品到啦! 我都試左一半架~~
Tiramisu真係人人都攞喎,我都唔執輸試下啦梗係!! 我覺得酒味太濃了, 不過都好味!仲有chocolate mousse cake, 呢個真係好好好味!!! 連我平時唔係太好mousse cake都覺得超好味~~
佢啲甜品都會轉下款架, 因為我發現影左既相無我食個啲甜品~
個日中秋仲有月餅添,不過唔係太多人拎...哈!
其餘仲有朱古力噴泉,puff,紅豆沙.
雪糕有5款,有士多啤梨,朱古力,雲呢拿,咖啡,仲有一樣唔記得...啲味普通到不得了...
另外,每人仲會送一隻飽魚添,不過好un...
總結,如果你食buffet唔係食海鮮為主,都可以黎呢到試下!
其實佢算係几多選擇,几多野食,但除左甜品之外,我又唔覺得其餘有乜食物特別突出...
如果有coupon再黎食既都ok既!!
張貼
