潮州城酒樓

營業中

休息中

呢一間潮州酒樓好似已經開咗好多年，佢D潮州野都正宗好食嘅，鹵水鵝片、鹵水拼盤、蠔烙、水瓜洛等都唔錯，不過最有驚喜嘅竟然係佢嘅甜品，因為喺香港真係好難食得到好味嘅潮州甜品。先講個反沙芋，真係要好花心機時間慢慢整，火力太大又會燶，另外外面層糖又唔可以厚，因為太厚就太甜，會好難食。當然，芋頭本身都要夠靚，所以要食到好食嘅反沙芋真係一D都唔容易。芋泥真係令人又愛又恨，因為好食嘅芋泥一定要有一定份量嘅豬油去撈，咁樣先至夠香。另外好欣賞呢個芋泥有好多白果，中和返令食落去唔會咁滯。兩個甜品都有驚喜。