Ocio (東港城) (已結業)

行行下間有啲想食甜品，見尼間cafe無乜人就入左去啦😆 環境裝修都幾靚同舒服嫁，好岩同朋友飲杯嘢傾下計。服務都幾好，我地想坐近窗口嘅位置，店員都會盡量安排👍🏿。點餐就用QR code落單，大概10分鐘就出餐。 今次我地點左一份朱古力麻糬窩夫。 甜品一上檯就覺得都幾大份嫁，最好同朋友share啦。另外，外面某啲同樣既甜品係用原味窩夫加朱古力醬（可能係我磁場唔好掛😝），而尼間係朱古力味既窩夫，仲會鋪上薄朱古力碎，小編已經覺得有誠意啦。雖然窩夫既朱古力味唔濃，但夠厚實鬆軟，裡面仲有麻薯口感豐富。雪糕係一般既朱古力雪糕。 整體而言，甜品有啲意外既😆味道正常啦，唔難食。價錢同份量合理。之後有機會既話會有興趣試埋其他既。