影片
更多
2023-08-25
27 瀏覽
一餐高質嘅Omakase索價不菲，要食就梗係要選擇最好架啦😎 Kushiro由3位星級主廚主理，由刀功、擺盤、食材講解等足以證明專業嘅廚藝能力👨🏻🍳 佢地除左喺壽司方面想保留返傳統嘅口味，其他菜色都走fusion路線🤩 喺創作menu嘅過程中，駐店嘅唎酒師亦按著每道菜嘅味道同口感配搭返相應嘅清酒，為賓客帶來微醺嘅用餐體驗🍶呢間位於半島酒店嘅Kushiro開左唔夠兩年已經打出名氣，今次嘅晚餐都要早兩個星期先book到🥹 餐廳裡面嘅裝潢亦墨綠色為主，走日本庭園風格嘅路線，舒適嘅環境令兩個幾鐘嘅用餐體驗過得好寫意❤️汐$1980SHIO 沖繩水雲配上醋汁同甜蜜嘅靜岡水果番茄喺夏日嘅最佳開胃前菜🍅 燒過嘅北海道帶子有滿滿嘅纖維感，配上滑溜嘅日本棉花籽層次感十足😜來自鹿兒島嘅鰻魚出面搽左層鰻魚醬，而糖份喺烤嘅過程中焦糖化🔥 所以燒到好似乳豬咁皮脆肉嫩，同柚子胡椒一起食可以降低油膩感🥳宮城鰹魚煙燻至表面烤熟，中間仍是半生狀態🐟 呢股煙燻風味可以帶出魚肉本身嘅香氣，加上日本寶塔菜、柚子酸汁同粟米苗味道酸甜腥胃😚三重縣魷魚半透明嘅肉身被切成條狀，食到緊實嘅肉質之餘亦添加另一種口感，加上柚子鹽同青檸可以
呢間位於半島酒店嘅Kushiro開左唔夠兩年已經打出名氣，今次嘅晚餐都要早兩個星期先book到🥹 餐廳裡面嘅裝潢亦墨綠色為主，走日本庭園風格嘅路線，舒適嘅環境令兩個幾鐘嘅用餐體驗過得好寫意❤️
汐$1980
SHIO
沖繩水雲配上醋汁同甜蜜嘅靜岡水果番茄喺夏日嘅最佳開胃前菜🍅 燒過嘅北海道帶子有滿滿嘅纖維感，配上滑溜嘅日本棉花籽層次感十足😜
來自鹿兒島嘅鰻魚出面搽左層鰻魚醬，而糖份喺烤嘅過程中焦糖化🔥 所以燒到好似乳豬咁皮脆肉嫩，同柚子胡椒一起食可以降低油膩感🥳
宮城鰹魚煙燻至表面烤熟，中間仍是半生狀態🐟 呢股煙燻風味可以帶出魚肉本身嘅香氣，加上日本寶塔菜、柚子酸汁同粟米苗味道酸甜腥胃😚
三重縣魷魚半透明嘅肉身被切成條狀，食到緊實嘅肉質之餘亦添加另一種口感，加上柚子鹽同青檸可以帶出典型嘅甜味🦑
鹿兒島嘅間白鮮甜肉質爽滑，配上山形縣嘅赤醋飯提升魚鮮味🍣
晶瑩剔透嘅筋子入口後釋出濃郁嘅鹹鮮味，配上清新嘅柚子皮令人欲罷不能🙌🏼
Sujiko
赤身顯現紅艷嘅色澤，雖然魚油比例較少，依然可以食到優雅嘅魚香😋
中拖羅佈滿精緻嘅魚油花紋，厚切嘅刺身入口油香四溢♨️
富山縣白蝦帶有柔軟同黏黏嘅特殊口感，用竹炭鹽同青檸帶出甘甜味🦐
鹿兒島深海池魚較爽口，後韻帶有齒頰留香嘅魚油味👅
黑陸魚肉質細膩，炙燒後魚皮帶有陣陣嘅焦香味🔥
kuromuji
燒過嘅肥美鯖魚非常惹味，配埋酸甜嘅白板昆布帶黎一種清爽嘅感受🍙
拖羅太卷裡面分別有赤身、中拖羅同大拖羅，魚脂爆滿🤩 加埋紫菜同芝麻可以提升層次感
師傅每日都會嚴選價值高過$2000嘅海膽，而今日就係赤利尻嘅海膽啦✌🏼 一座山咁大嘅海膽口感稠密，鹹香味偏重，係滿滿嘅幸福感呀💓
有別於平時嘅玉子燒，呢到經過烤焗嘅方式製作出蛋香濃郁，近乎布丁嘅口感嘅玉子🍮
食完壽司飲返碗湯暖暖胃，用野鴿熬製嘅湯底加左蔬菜同醬油吊清，有助減低油膩嘅感覺🍲
呢到有自己嘅甜品師傅，所以連甜品都好有心思，出面絕對食唔到‼️ 豆腐奶凍福袋將豆香十足嘅奶凍放入脆身嘅日本焗豆腐，配埋底下嘅胚芽口感好豐富🤤
依家係桃季，打開蓋後即刻聞到師傅調製玫瑰花香水🌹 再食一啖蜜桃雪葩、自製嘅乳酪、薄荷同水蜜桃羊羹真係好清爽，仲有好juicy嘅白桃肉添🍑
黑芝麻朱古力雖然甜左少少，但芝麻香真係夠特出，好似食緊芝麻糊咁😉
張貼
