影片
更多
2024-08-02
864 瀏覽
講起D2 place, 你會諗到咩?市集?如果話你知D2 place有一間好食泰國菜，你又聽過未?講緊既係位於D2 place地下既Thai-ger, 佢地原本開响一樓電梯口，不過原本位置有d細，而家搬咗落地鋪開揚之餘仲好好坐!而家帶小朋友食完全無問題啦~除咗環境好咗，野食款式亦多樣化咗。除咗佢地既招牌船麵，今次特登試埋佢地既甜品同特飲，睇下得唔得先!我地叫咗:椰子雞湯小朋友最愛! 椰子味好香濃，一碗湯有車厘茄同草菇，如果有一兩件雞就perfect啦~泰式船麵配牛肉及牛丸呢個算係佢地既招牌菜，因為佢地既船河湯底好濃，今日再食一d都無令我地失望!湯底香濃又足料，食完已經飽咗九成XD泰式乾炒豬頸肉水晶河我地叫咗唔辣版本，食落就差少少靈魂，不過小朋友食唔到就無辦法啦~水晶河炒得乾身又唔油，值得一讚。豬頸肉夠淋一d都唔鞋，最緊要係配料好多，菜心同豬頸肉差唔多淹沒下底既水晶河!榛子朱古力香蕉酥餅lee個真係超邪惡! 榛子朱古力醬超多，同香蕉好夾~仲要有埋煉奶响面，真係好好味! 雖然唔係即刻食，但個皮都仲係脆，好impressed!自家製椰子雪糕椰子味好香濃，拍得住泰國風味!最欣賞佢有椰子肉同有脆
講緊既係位於D2 place地下既Thai-ger, 佢地原本開响一樓電梯口，不過原本位置有d細，而家搬咗落地鋪開揚之餘仲好好坐!而家帶小朋友食完全無問題啦~
除咗環境好咗，野食款式亦多樣化咗。除咗佢地既招牌船麵，今次特登試埋佢地既甜品同特飲，睇下得唔得先!我地叫咗:
椰子雞湯
小朋友最愛! 椰子味好香濃，一碗湯有車厘茄同草菇，如果有一兩件雞就perfect啦~
泰式船麵配牛肉及牛丸呢個算係佢地既招牌菜，因為佢地既船河湯底好濃，今日再食一d都無令我地失望!湯底香濃又足料，食完已經飽咗九成XD
泰式乾炒豬頸肉水晶河
我地叫咗唔辣版本，食落就差少少靈魂，不過小朋友食唔到就無辦法啦~水晶河炒得乾身又唔油，值得一讚。豬頸肉夠淋一d都唔鞋，最緊要係配料好多，菜心同豬頸肉差唔多淹沒下底既水晶河!
榛子朱古力香蕉酥餅
lee個真係超邪惡! 榛子朱古力醬超多，同香蕉好夾~仲要有埋煉奶响面，真係好好味! 雖然唔係即刻食，但個皮都仲係脆，好impressed!
自家製椰子雪糕椰子味好香濃，拍得住泰國風味!最欣賞佢有椰子肉同有脆脆响面，同泰國街邊食既有九成相似!
Lotus 焦糖奶昔
本身對呢個好有期望，不過黎到先發現瀨野! 唔係話佢難飲，佢好香奶味，加埋lotus餅裝飾好打卡able，只係因為同時叫咗榛子朱古力香蕉酥餅，所以搞到飲幻昔果陣變得唔甜。所以如果有叫榛子朱古力香蕉酥餅就要叫其他野飲，或者飲完野飲先食甜品，唔係會浪費咗個quota XD
泰式奶茶
泰奶fans要叫，茶味夠濃夠香，抵飲!
埋單$400落樓，中價但野食唔差! 可以再Encore!
張貼
