たまご園 (北角匯) (已結業)

喺北角食完晚飯，仲未夠喉，想搵啲西式甜品食吓，經過呢間全間舖頭都黃黃地色，好有日式餐廳嘅感覺，雞蛋主題餐廳，但係我哋決定今日就嚟試吓甜品，原來佢啲甜品都幾好食㗎啵，絕對有驚喜。下次要試吓佢嘅玉子燒同埋蛋包飯，我諗應該都幾好食。今日食咗佢哋home made dessert 原味疏乎厘—正，超疏乎厘超級軟熟，蛋味濃郁，配埋啲cream，好好味😋豆腐芝士蛋糕—佢個餅底做得好好食，豆腐芝士蛋糕，都係第一次食，好好味。沖繩黑糖雜莓乳酪—呢個甜品個樣好靚好吸引，黑糖味加埋啲雜莓撈埋啲乳酪，加埋啲粟米片，一齊食，又健康又好味。